---
title: "從韋森特風暴看香港百態"
url: https://sammy.hk/from-vicente-to-hongkong/
author: Sammy Fung
published: 2012-07-27T16:23:04+08:00
modified: 2021-06-01T00:48:51+08:00
description: "相信沒有香港風迷估到，韋森特令到香港需要發出十號颶風訊號。 直到星期一，才預料到發出八號烈風及暴風訊號的機會大。 在 13:45，強烈熱帶風暴韋森特已增強為颱風。 在 15:45，發出八號預警。 在八號當晚，整晚一直在看 NOWTV 和 CableTV 的我，從網上得知新界西沒有電視廣播訊號，才發現我家也收不到訊號。當…"
categories: ["生活"]
tags: ["熱帶氣旋"]
source: https://sammy.hk
---
[![](https://sammy.hk/wp-content/uploads/2012/07/539115_10150966450353458_167138215_n-300x169.jpg)](https://www.facebook.com/photo.php?fbid=10150966450353458&set=p.10150966450353458&type=1&ref=nf)

相信沒有香港風迷估到，韋森特令到香港需要發出十號颶風訊號。

直到星期一，才預料到發出八號烈風及暴風訊號的機會大。

在 13:45，強烈熱帶風暴韋森特已增強為颱風。

在 15:45，發出八號預警。

在八號當晚，整晚一直在看 NOWTV 和 CableTV 的我，從網上得知新界西沒有電視廣播訊號，才發現我家也收不到訊號。當我以為不影響我時，怎知因為多次電力短暫驟降，而令家中 NOWTV 中斷了，而多次重新先後重啟 MODEM 和解碼器才能收看。

當晚有網友說得很對…….

「還天真的以為我們已經活在颱風不會影響電力供應的時代，看著不斷重起的電視、電腦和電燈驟滅驟閃，我知道我錯了，大自然的威力好厲害。」

[![](http://sammy.hk/wp-content/uploads/2012/07/ngphrwind.png "ngphrwind")](http://sammy.hk/wp-content/uploads/2012/07/ngphrwind.png)[![](http://sammy.hk/wp-content/uploads/2012/07/ngpspd.png "ngpspd")](http://sammy.hk/wp-content/uploads/2012/07/ngpspd.png)

到 00:00 時，在各香港氣象站十分鐘風速圖上，昂平竟然「扯兩支旗仔」，代表十分鐘平均風速達 197km/h! 而十分鐘陣風…. 強到要N/A (不能提供)。

所以對我來說，發出十號颶風訊號是 out out out of expectation/estimation。

**港鐵和天文台做足他們的責任**

港鐵的確經常令人討厭，可是一事還一事，這次港鐵已經 95% 做盡了。

唯一可能沒有做的只是：事發時各TO(車長)和站長在得知樹木壓著電纜而無電後，應知會受影響乘容讓他們了解這個原因。

而天文台在訊號處理上，這次值得稱讚。

風暴過後，在網上看到以下一些問題反應，和記錄我的回應。

「第二樣想鬧既就係天文台, 8號係預警個風就快嚟, 好多海上做野既人,戶外做野既人都要睇住你個警告做人。 今日未掛8號幾乎所有船都停航晒, 啫係咩意思? 咪就係好鬼大風好危險囉!! 明知危險都咁遲掛風球, 等D老細迫員工5點先走人, 人咁多出事又點算?」

1. 船係8號之後先停，唔好搞錯而誤導網友。
2. 3:45pm 發出八號預警，就算 3:45pm 直接發 8 號，或者 (除凌晨外) 無論幾點發 8 號，都係多人回家，咁你用呢個原因怪天文台就過了火位。

「其實，今次港鐵真係做左代罪羊，責任仍然在天文台。講真，如果佢地唔係預到咁盡，倒過來早多兩個鐘四點就掛定八號，根本就唔會搞到咁狼狽。我唔信呢個風天文台係估唔到可以打到變十號，你話地震只有預警，但加強至十號就估唔到？Fxcking Bullshit。我諗緊淨係計番今次個晚歸加埋第二日狼狽上班個 social cost 都係番度。俾我小九港鐵還是天文台，一定係後者！」

幾乎所有氣象台都估錯呢個風, 特別係回頭向北及東北慢行果下, 以及在南海急速增強…. <– 不能說成「估錯」，基本上所有 weather forecast 是有誤差的，12hr forecast 誤差大一點，24hr forecast 誤差再大一點，48hr 誤差再大一點…… 所以熱帶氣旋路徑圖上的預測路徑上有誤差圈，預測越遠的時間，誤差圈越大。曾經有一個熱帶氣旋中心風力達19xkm/h+，某位時事評論員兼blogger說根據JTWC幾日後打到來香港，說香港沒有做甚麼準備云云，基於同樣理由，我曾在他的blog回應那是跨大事實的，他就反「博」我。結果登陸點距離香港over 800km! XD

我唔信呢個風天文台係估唔到可以打到變十號 <——— 呢句已經足以說明這個人根本不懂熱帶氣旋預測。如我在上述說法，基本上所有 weather forecast 是有誤差的，12hr forecast 誤差大一點，24hr forecast 誤差再大一點，48hr 誤差再大一點…… 所以熱帶氣旋路徑圖上的預測路徑上有誤差圈，預測越遠的時間，誤差圈越大。…… 唔該每次 Norhtwest Pacific 打風，先睇清楚各氣象台的每半日發出的預測。 XD

還有是，”地台” 成班風迷都估唔到會掛九、十號。方sir 唔係應該叫佢做台長，而係應該叫佢做神。 XD

講真，本來冇乜風迷會估掛八號，就算在 19.5N 115E 左右 slow motion 時，風迷都係估計之後會唔會主要向北移而增加發出八號的機會。之後看到八號機會場增加時，也沒有風迷會估 9 號。到9 號時，也不會想到掛10號，因為個風似去澳門至澳門以西登陸。

**最後回看風迷對今次天文台的處理訊號手法，絕大多數表示讚同。 (好少有 XD)**

我諗緊淨係計番今次個晚歸 <– 咁僱主無係3:45pm 發8號預警時放緊D人先返屋企，咁多人同一時間直接返屋企，咁緊係出現人龍啦。

加埋第二日狼狽上班個 social cost 都係番度。 <– 同樣，只要天文台唔係五點落三號，咁D僱主係都要僱員在落風球後1.5/2小時內回到工作崗位，唔同平時正常7-8點d人分開返工，咁點都係做成人龍啦。

**所以問題是在僱主勞工關係問題上，而不是天文台。天文台只是需要按科學來決定訊號，如果天文台在決定訊號時加入其他商業因素，那時才應該鬧。 (以前覺得有，但今次唔覺有。)**

其實以上問題，顯示出另一問題，就是**香港人缺乏基本氣象教育。**而今次打風反映到，香港這個先進城市，在8/9/10號時，多區也出現不少電壓問題，說明香港這個先進城市，並不是安好無恙。香港人覺得香港太安全，而然實在缺乏一些面對逆境的情況和應有心態。

Photo Credit: Andy Chong (Source: Facebook)

### 相關文章：

1. [2006 颱風派比安踩界 自行發出森美「烈風」訊號](https://sammy.hk/%e6%a3%ae%e7%be%8e%e7%83%88%e9%a2%a8%e8%a8%8a%e8%99%9f/ "2006 颱風派比安踩界  自行發出森美「烈風」訊號")
2. [2006 颱風派比安：過份遵守制度是保守的](https://sammy.hk/%e9%81%8e%e4%bb%bd%e9%81%b5%e5%ae%88%e5%88%b6%e5%ba%a6%e6%98%af%e4%bf%9d%e5%ae%88%e7%9a%84/ "2006 颱風派比安：過份遵守制度是保守的")
3. [2007 颱風帕布：八號風球下去街](https://sammy.hk/walk-in-issuing-of-tropical-cyclone-warning-signal8/ "2007 颱風帕布：八號風球下去街")
4. [2008 颱風浣熊：媒體的氣象報導問題](https://sammy.hk/%e5%aa%92%e9%ab%94%e7%9a%84%e6%b0%a3%e8%b1%a1%e5%a0%b1%e5%b0%8e%e5%95%8f%e9%a1%8c/ "2008 颱風浣熊：媒體的氣象報導問題")