--- title: "LG G4 用家惡夢" url: https://sammy.hk/lg-g4-nightmare/ author: Sammy Fung published: 2016-07-22T13:50:10+08:00 modified: 2021-06-01T00:38:48+08:00 description: "昨天有記者朋友睇完 mobilesetting 既文章，在 facebook 問「踩得咁盡，問題好嚴重下？有冇LG用家出黎講兩句？」 我見到就「講兩句」啦：「我已換左兩次主機版，保養期內，分別係第4.8同11.8個月，講完。 #LGG4用家」 換俾你都係有野壞 舊年6月底，舊手機 (Sony Xperia Z1) 突然…" categories: ["科技"] tags: [android] source: https://sammy.hk --- [![lg-g4-receipts](https://sammy.hk/wp-content/uploads/2016/07/lg-g4-receipts-1024x768.jpg)](https://sammy.hk/wp-content/uploads/2016/07/lg-g4-receipts.jpg) 昨天有記者朋友睇完 [mobilesetting](http://www.mobilesetting.com.hk/2016/07/%E5%A3%9E%E5%AE%8C%E4%B8%80%E6%AC%A1%E5%8F%88%E4%B8%80%E6%AC%A1%EF%BC%81lg-%E7%8E%A9%E6%AE%98-g4-%E7%94%A8%E5%AE%B6.html) 既文章，在 facebook 問「踩得咁盡，問題好嚴重下？有冇LG用家出黎講兩句？」 我見到就「講兩句」啦：「我已換左兩次主機版，保養期內，分別係第4.8同11.8個月，講完。 [\#LGG4用家](https://www.facebook.com/hashtag/lgg4%E7%94%A8%E5%AE%B6?hc_location=ufi)」 **換俾你都係有野壞** 舊年6月底，舊手機 (Sony Xperia Z1) 突然死了，用開 1010，就去左 1010 門市出部新手機，Sales 推介 Sony 同 LG，新 Plan 既價錢都係一樣。我自己用左 Sony 兩三年就壞，之前有聽過有人話 LG 唔錯，咁就出左 LG G4。 冇諗過半年唔夠，11月去 Clockenflap 音樂節果個星期就壞左，成個 weekend 都出外，冇部用開既電話幾麻煩，又冇得用部好手機來影相。然後呢個 weekend 就有得拎返換左板既手機，咁咪去睇 show 之前去拎，邊搭車邊插返舊 SIM card 同 SD card 來裝 apps 用。 哈?! LG 個自家 Camara app detect 到 SD card 有同名相既folder，就幫我刪左佢再 create 一個新來用，有冇咁白痴既 app 設計 ?! 心裡即鬧著 LG 既 app developers。 **品質有嚴重問題** 雖然 SD card 既相又 lost 埋，換左就算啦，應該唔會再有問題掛 ? 過幾日我試用手機 NFC 來 do NFC card，咦 ? 張張卡都冇反應既 ?! 唔通個 case 問題 ? 換左都係唔得，就知應該係新換既機 NFC 都係壞。 走去再整又要再排隊又至少有一日無得用，拖拖下，算啦，6月尾保養期完之前先換啦。6月尾要搞 HKOSCon，本來完左 conference 就即去整。點知 conference 前幾日又壞，焗住即刻去旺角LG維修中心整，職員同我講呢個情況要換板，但未有貨要等 7-10 日到先搞掂，無奈都要接受啦。 (重敢對 LG 有乜野希望咩) 再拎去整之前，我嘗些過花半個鐘 Google 去 Fix 問題，或者至少俾我做左 backup 先拎去整。就搵到一 D 外國 tech posts 就如 [Techradar](http://www.techradar.com/news/phone-and-communications/mobile-phones/lg-finally-acknowledges-g4-boot-loop-problem-and-it-s-offering-a-fix-1313769) 呢篇，確認 LG G4 係有好大設計問題，基於用家使用習慣，即係唔用就唔會壞，用就會好快定極快 (都係講緊幾個月至大半年) D 電子零件就會散開而接觸唔到，就死機了。大啦啦四五千港紙賣一部新出高端智能電話，唔夠半年壞一次，一年壞兩次，咁到底 LG 同 LG G4 係唔係好有問題 ? 雖然最後4-5日就換好板，但真係有如 LG slogan 一樣「Life is Good！」(生活真係好) 囉。 [![lg-hk-queuing](http://sammy.hk/wp-content/uploads/2016/07/lg-hk-queuing-225x300.jpg)](http://sammy.hk/wp-content/uploads/2016/07/lg-hk-queuing.jpg) **客戶服務重要咁差** 明知出重大問題，LG 官方又冇乜公佈交代，更加冇解決方案。有壞就換機換到 12 個月保養期完，唔會加長保養期，唔會幫客戶換 model，總知客戶買幾千蚊機就只係包你用 12 個月。 而兩次壞機上去旺角維修中心，平日都係要等 2-3 小時先等到職員用果幾分鐘時間收機開維修單。到拎返機果時，如果客戶選擇「不需要技術支援，拎機簽個名即走」條 queue 先快，10-20 分鐘就拎到機。 所以，LG G4 用家真係「Life is Good！」囉。 如果 LG 係一間好既公司，響今年年初 confirm 到 G4 有設計問題，就應該開始向保養期內壞機既 LG G4 用家，提供無條件換另一個 model 新機，來保住自己既品牌 branding。 宜家再換左一個月，我覺得唔夠半年，年尾前這部「一年內第3部G4」又會再壞了。我考慮緊換返 Sony機，或者 Google 快 d 出下一部 Nexus 手機 (宜家部 Nexus 5 又係 LG)。 ### 相關文章： 1. [回歸 Android？](https://sammy.hk/back-to-android/ "回歸 Android？") 2. [Android Market 付費程式登陸香港](https://sammy.hk/android-market-paid-apps-arrive-hongkong/ "Android Market 付費程式登陸香港") 3. [Google voice search 推出廣東話輸入](https://sammy.hk/google-voice-search-cantonese/ "Google voice search 推出廣東話輸入") 4. [Google 收購 Motorola 並不在意手機生意 ?](https://sammy.hk/google-buy-motorola-not-target-handset-biz/ "Google 收購 Motorola 並不在意手機生意 ?")