都唔係第一次睇波聽廣東話評述聽到發火，上星期睇曼聯對紐卡素聯賽盃決賽又聽有線足球旁述 (有線 aka HoyTV) 聽到火起，華拉尼同馬天尼斯點叫做高度夠晒，馬天尼斯做中堅係偏矮嘛！（其實之前重有幾句我已經無視咗當聽唔到）冇嘢講講到咁都講得出？咁叫專業評述咩？普遍香港廣東話嘅評述手法有幾點大問題。睇開嘅 NowTV / ViuTV 係咁，有線又係咁，係咪當觀眾白痴唔識睇波？講咗十幾廿年廢話重要講到幾時？
係咁講個傳俾邊個，我失明定你個畫面信號有問題？我又唔係聽電台要靠你講場波情況，我睇緊電視直播呀。
係咁講數據？足球係股市，定你想鼓吹賭波？
用香港人/中國人角度講英國足球同文化，話幾萬人響東北部走落來交通點解？頂，兩隊球迷淨係東北部咩？
你班大佬好煩囉！呢 d 叫專業評述？我轉 channel 聽英文就專業評述啦。
呢 d 係咪香港講波佬問題？我相信係背後各電視台問題，教佢地咁講先係「專業廣播」，教錯哂。其實部份講波係球員、有牌教練，請各位用返自己落場嘅足球專業知識同經驗，去講返場波，咁先叫到專業麻。
首先要解決唔係講波佬，而係從電視台編導甚至高層，將專業還返俾（前/現）足球員同教練。唔係佢地唔識講嘢唔識表達，而係你地電視台 overrule 咗佢地真正嘅足球專業。