英超回歸有線

今晚 NOW 新聞台報導:「PCCW 成功投得西班牙甲組足球聯賽(西甲)獨家直播權」,吸引我出廳看看這段新聞。很快便知,有線寬頻(Cable)奪英格蘭超級聯賽 2010-2013 獨家直播權

我即時反應是:「頂~~~又要裝返有線!」

想不到早已荒廢的有線電視解碼器,有機會再次使用了。

當香港的英超獨家直播權再次易手,意味著來年再次出現轉台潮,由 NOW TV 轉往 Cable TV。

香港擁有很多英超球迷,街上不時看見身穿曼聯、利物浦、阿仙奴等英超球衣的香港人。除了香港人看英國波多年外,英超仍是歐洲四大聯賽中,最吸引的一個。而且英超賽事時間也十分配合香港生活時間,多數在星期六、日分三段時間進行。頭場八時、正場十時、尾場十二時,港人可以一晚看足三場直播球賽。而西班牙、意大利聯賽則常於凌晨三時才開始,單以時間上,吸引力已減不少。

三年前 cut 有線時,幸運地我能順利終止服務,沒有遇到其他前用戶難以終止有線的情況。但我覺得又「cut」又裝很麻煩。

對於 Cable 重奪英超,我會比較擔心:

  • 當年 NOW 接手了英超,其中一個賣點是所有英超賽事直播。到底有線又可否做到這點呢?
  • 到底現在有線新聞台的新聞合乎要求嗎?

Related posts

2 Replies to “英超回歸有線”

  1. nowsports播英超的確比cable做得出色
    除了播足咁多場
    更加係有VOD服務

  2. Jansen: 之前有人(你?) post 出來的 「傳聞」 Cable TV 單張,好似 Cable 會跟返全部直播。不過唔見佢有提 VOD 了。

    我冇用過 NOW TV VOD,唔知佢洗唔洗開波之前要 set 「預錄」呢?之前我睇過NOW TV有D廣告說有些節目要「預錄」左,好似咁先有得睇。